Kapittel 1. Formål, verkeområde og definisjonar
§ 1Formål
Formålet med lova er å:- bidra til at obduksjonar og anna behandling av lik blir utført på ein verdig måte med respekt for den døde og dei pårørande til den døde,
- gi kunnskap om dødsprosessar og dødsårsaker, førebygging av skadar og ulykker og bidra til ein påliteleg dødsårsaksstatistikk, og
- legge til rette for kvalitetssikring i helse- og omsorgstenesta og for undervisning og tileigning av kunnskap.
Endra ved lov 6 mars 2020 nr. 2 (ikr. 1 mai 2020 iflg. res. 6 mars 2020 nr. 244). § 2Verkeområde
Lova gjeld for medisinsk obduksjon, rettsmedisinsk obduksjon av drepne i vegtrafikken etter § 7 a første ledd andre punktum og donasjon av lekam til undervisning og forsking og anna behandling av lik:- §§ 4, 5, 6, 7, 8 og 8 a gjeld for medisinsk obduksjon.
- §§ 7 a, 8 og 8 a gjeld for rettsmedisinsk obduksjon etter § 7 a første ledd andre punktum.
- Kapittel 3 gjeld for donasjon av lekam til undervisning og forsking og anna behandling av lik.
§ 7 gjeld tilsvarande for forsking på biologisk materiale som er tatt ut i samband med ein rettsmedisinsk obduksjon.Kongen kan gi forskrift om at lova og forskrifter med heimel i lova heilt eller delvis skal gjelde på Svalbard og Jan Mayen og kan fastsette særlege reglar under omsyn til forholda på staden.Endra ved lov 6 mars 2020 nr. 2 (ikr. 1 mai 2020 iflg. res. 6 mars 2020 nr. 244). § 3Definisjonar
I denne lova meines med:- obduksjon: ei systematisk utvendig og innvendig medisinsk undersøking av ein død person
- medisinsk obduksjon: obduksjon som ein lege har kravd, der formålet er å påvise eller utelukke forandringar som er forårsaka av sjukdom eller skade
- rettsmedisinsk obduksjon: obduksjon som er kravd etter straffeprosessloven § 228 om sakkyndig likundersøking og obduksjon etter § 7 a første ledd andre punktum
- næraste pårørande: næraste pårørande etter pasient- og brukerrettighetsloven § 1-3 bokstav b.
Endra ved lov 6 mars 2020 nr. 2 (ikr. 1 mai 2020 iflg. res. 6 mars 2020 nr. 244). Kapittel 2. Obduksjon
§ 4Dei regionale helseføretaka sitt ansvar for obduksjonsverksemdene
Dei regionale helseføretaka skal sørge for nødvendig kompetanse og kapasitet til å gjennomføre medisinske obduksjonar. § 5Krav om medisinsk obduksjon
Krav om medisinsk obduksjon må setjast fram av ein lege.Legen som konstaterer at døden har inntreft skal, så langt det er mogeleg, vurdere om det bør gjennomførast ein medisinsk obduksjon og dokumentere at vurderinga er gjort.Sjukehuset som mottek krav om obduksjon, jf. første ledd, avgjer om obduksjonen skal gjennomførast.Departementet kan gi forskrift om framsetting av krav om obduksjon. § 6Forholdet til rettsmedisinsk obduksjon etter straffeprosessloven
Dersom legen etter helsepersonelloven § 36 tredje ledd har plikt til å melde frå til politiet fordi det er grunn til å tru at dødsfallet er unaturleg, kan medisinsk obduksjon ikkje setjast i gang før påtalemakta har avgjort at det ikkje skal gjennomførast ein rettsmedisinsk obduksjon.Dersom det under ein medisinsk obduksjon blir avdekt forhold som tydar på unaturleg død, skal obduksjonen avbrytast og politiet underrettast utan opphald.Endra ved lov 6 mars 2020 nr. 2 (ikr. 1 mai 2020 iflg. res. 6 mars 2020 nr. 244). Kapittel 3. Anna behandling av lik
§ 9Samtykke til bruk av lik i undervisning og forsking
Personar som har fylt 18 år kan samtykke til at kroppen deira kan brukast i undervisning og forsking etter at dei er døde.Dersom det kan godtgjerast at det er i tråd med ønsket til ein avdød som hadde fylt 18 år, kan næraste pårørande, jf. § 3 bokstav d, samtykke til at kroppen kan brukast i undervisning og forsking.Samtykke til bruk av lik til undervisning og forsking skal vere skriftlege.Departementet kan gi forskrift om registrering og anna behandling av helseopplysingar og andre personopplysingar som er nødvendige for bruk av lik til undervisning og forsking. § 10Utlevering av lik til bruk i undervisning og forsking
Departementet skal peike ut institusjonar som kan bruke lik til undervisning og forsking.Institusjonar etter første ledd kan krevje å få utlevert lik som er gitt til undervisning og forsking. Eit lik kan ikkje krevjast utlevert før det er avklart at det ikkje vil bli kravd rettsmedisinsk obduksjon eller medisinsk obduksjon etter § 7 fjerde ledd.Departementet kan gi forskrift om utlevering av lik til bruk i undervisning og forsking. Kapittel 4. Pålegg, tvangsmulkt, straff og forholdet til andre lover
Kapittel 5. Sluttføresegner
§ 17Endringar i andre lover
– – –Lov 4. juni 1898 indeholdende visse Bestemmelser om Behandlingen af Lig opphevast. § 18Iverksetjing
Lova gjeld frå den tida Kongen fastset. Kongen kan setje i verk dei einskilde føresegnene til ulik tid.